پروژێ پروگرامێ ناڤ خویێ پارتى یا سەوزا کوردستانی :

 

مادێ ئێکێ   :

ناڤێ پارتێ : پارتی سەوزی کوردستان

مادێ دووێ   :

پێناسا پارتێ : پارتى یا سەوزا کوردستانی بزاڤەکا رامیاری کومەلایەتی یە ؛ سەر هەلدایە  ژبو بەرەڤانی کرنێ ل ژینگەهێ و مروڤی ئو چەسپاندنا دەست هەلاتا یاسایێ  ل هەرێما کوردستانا ـ عیراقێ . ژێر دروشمێ ( پاراستنا ژینگەهێ ، دیموکراسیەت ، دادپەروەری یا کومەلایەتی) .

 

مادێ سیێ‌   :

سومبول و دروشم : ئالایێ پارتێ پێک هاتیە ژ سێ رەنگێن سەرەکی ( کەسکێ ڤەکری ، شینێ ڤەکری ، سپی ) ئەڤ سێ رەنگە دەربرینێ ژ ژینگەهێ و ژیانێ و ئاشتیێ دکەن .

 

مادێ چارێ   :

گرنگترین ئارمانجێن پارتى یا سەوزا کوردستانێ :

1 - کارکرن ژبو پاراستنا ژینگەهێ و سروشتێ کوردستانێ .

2 - کارکرن ژبۆ  دادپەروەری یا کومەلایەتی و یاسایی و دژا یەتى یا گەندەل و گەندەلیێ .

3 - کارکرن  ژپێخەمەتی نەهێلانا تەپەسەریێ ل سەر هەمی رەگەزو و رەنگ و ژیی و ئول و ئاستێن ئابوریی و کەم ئەندام و نەخۆشێن دەرونی.

4 - کارکرن ژبو کێمکرنا وێ بوشاتى یا ل ناڤبەرا زەنگین و هەژارادا .

5 - بزاڤ ژبو خوشکرنا زەمینێ بو نفشێن پاشەروژێ ل هەرێما کوردستانێ .

6 - بزاڤ بو پارێزەریا ئابوریەکێ ب هێزو کارتێکەر .

7 - پاراستنا جهێ کاری ب مەرجێ کو زەرەر مەند نەبیت ل سەر ژینگەهێ .

8 - فێرکرنا کرێکاری و فەرمانبەری  بەردەوام بيت  دگەل پێشکەفتنا جیهانی دا  .

9 - چارەسەرىیا بێ بەرامبەر . ئو تەندروستی بو هەمیان .

10 - پەیدا کرنا کاری بو هاولاتى یا ئو کێم کرن ژ بێکاریێ و هاریکاری کرنا بێ کاران ب موچەیەکێ دەست نیشان کری ل دەمێ د مینیتە بێ کار .

11 - دابین کرنا خاندنێ بو هەمی ئاستا ئو بێ بەرامبەر .دابین کرنا بودجێن باش و بەرچاڤ بو خاندنگەها ژبو پێشئخستنا خاندنێ ل هەرێما کوردستانێ .

12 - دابین کرنا بودجێن باش بو زانکویێن کوردستانێ .

13 - پیتە پێ دانەکا زێدە ب زارۆکا و باخجێن زارۆکا .

14 -رێز گرتن و پاراستنا فرە روشنبیریێ و کێمە نەتەوایی و ئولیان ل کوردستانێ.

15 – ئازادى یا وەرگرتن و ڤرێ کرنا زانینا بو هەمی کەسان .

16- ئازادى یا راگەهاندنێ و هەست دەربرینێ .

17 – یەکسانی د ناڤبەرا هەمی ئاکنچیێن کوردستانێ .

18 - مفا وەرگرتن ژ پەیوەندیێن ژ دەرڤە دگەل ولاتێن دیموکراسی خاز دبوارێ ( بازرگانی ئو پێزانینێن زانستی ).

19 - دابین کرنا بودچەیەکێ تایبەت بو کرینا کەل و پەلێن پێشکەفتنێ ژبو پاراستنا ژینگەهێ ئو هاریکاری کرنا پسپۆرو خەم خورێن ژینگەهێ .

20 - نەهێلانا خرابکرنا دارستانێ ئو برینا دارا .و کارکرن ژبو پێشئخستن و چاندنا دارا .

21 – شەفافیەت و نەرماتی دکاری دا .

 

مادێ پێنجێ   :

بیرو باوەرێن پارتى یا سەوزا کوردستانی :

1 - مافێ چارەنڤیسێ بو هەمی گەلان وە بتایبەتی گەلێ کورد .

2 - کارکرن ژ بێخەمەتی ئاسایش و تەناهیێ بو گەلێ مە بتایبەت و هەمی گەلێن جیهانێ .

3 - یاسا سەروەر بيت ل سەر هەمی کەس وتەخ و چینێن کومەلگەهێ و دژاتیا کەسیێن بەرەو پێچیا یاسایێ دکەن .

4 - هەمی تشت دپێکڤە گرێداینە و هیچ ناڤبەر ناڤ دا نی نە ( هەرکارەک تەمام کەرێ کارێ دی یە) .

5 - نەهێلانا برس و هەژاریێ وپیس کرن و تێکدانا ژینگەهێ و پەرستنا کەسا(عباده الاشخاص) .

6 - داخازێ دکەین برێکێن ئاشتی یانە چارەسەریا کێشەو ناکوکى یا بهێتە کرن .

7 - داخازێ دکەین ئیعتماد زاتی هەبیت ل کوردستانا عیراقێ ب هەمی ئالیێن ژیانێ ڤە ئو ب تایبەت بوارێ ئابوری دا .

8 - باوەری و ئیمان ب بەشداری کرنا پرانیێ بو وەرگرتنا بریارێت رامیاری و کومەلایەتی و ئابوری .

9 - کار کرن بو کێمکرنا نەیەکسانیێ ل داهات و ملکیەتێ دا کو د بنە ئەگەرێ نە بەشدار بونا مللەتی بپێشنیارێن خو ئو دیرکەفتن ل ژیانا رامیاری .

10 - یە کسانی د ناڤ بەرا هەردو رەگەزێن نێرو مێ دا  .

11 – بەرژەوەندى یا گشتی سەروەرە ل سەر هەمی تشتەکیدا . 

 

 

مادێ شەشێ   :

مەرجێت ئەندام بونێ و رێکخستنێ :

1 - هەر کەسێ ئاکنجی ل هەرێما کوردستانێ ئان کوردستانێن ئاکنجی ل دەرڤەی وەلاتی مافێ ئەندام بونێ هەیە بێی بەرجاڤ کرنا ئولی ئان نەتەوەیی ئان رەگەزی .

2 - تەمەنێ ئەندام بونی ژ 16 سالیێ زێدەتر بو هەردو رەگەزا .

3 - دڤێت حەژێ کەرێ ژیانێ بیت و ئاشتی خازبیت ل گەل هەمیا .

4 - دڤێت خودان رەوشتەکێ باش بیت ، ئو نە هاتبیتە تاوان کرن ب چ گونەها ئان جەریما .

5 - نابیت ئەندامێ پارتی یا سەوز ئەندام بیت د گەل پارتەکا دی ئان رێکخستنکا دی .

6 - هەر ئەندامەک پێگیرە . پێگیریێ ب پەیرەوێ ناڤ خویێ پارتێ و بیرو باوەرێن وێ بکەت.

7 - پرکرنا فورمێ ئەندام بونێ . سوزدان .

 

 مادێ حەفت   :

ئەرکێن ئەندامی :

1 - بەرەڤانی کرن ژ ژینگەهێ و مروڤی و یاسایێ .

2 - بەشداری کرن د چالاکیێن تێنە کرن ژ بێ خەمەتی پاراستنا مافێ مروڤان و ژینگەهێ و سروشتی .

3 - بەرەڤانی و پشتەڤانی ژ لائحاجیهانی یا مافی مروڤان .

4 - چالاکی و بەرهنگاری کرن ل بەرامبەر هەمی بزاڤێن شوڤێنی و خوپەرستنێ ب رێکێن ئاشتى یانە .

5 - دڤێت نیشتمان پەروەر بیت ئو بەرەڤانیێ ژ وەلات و ئاخا خو بکەت .

6 - حازر بون د کومبونێن گرنگێن پارتێ دا .

7 - کارکرن ژبو روشنبیری کرنا خو و خێزان و کەس وکارێن خو و کومەلگەهێ ل سەر بناغێ باوەری کرن ب مافێ مروڤی و ژینگەهێ و سروشت و یاسا .

8 – ئابونە

 

مادێ هەشتێ   :

مافێن ئەندامی  :

1 - رەخنە کرن و دەست نیشان کرنا کێماسىیا ب ئازادیانە ل هەمی بارەگاو کەسانێن سەرکردە ل ناڤ پارتێ دا .

2 - بەشداری کرن د کێشانا نەخشێ رامیاریێ پارتێ و ئارمانجێت وێ برێکا کومبون و کونگرێت پارتێ دا.

3 - دەمێ نوێنەراتى یا پارتێ دکەی د جڤینێن تایبەت ئان یێن گشتی ، مافێ ئەندامى یە ب ناڤێ پارتێ باخڤیت بەلێ ب مەرجێ  نە دەرکەفتن ژ بیرو بەوەرێن پارتێ .

4 - ئەندامی مافێ دەست کێشانێ هەیە پشتی ئاگەهداری کرن ب نڤیسین و دیار کرنا ئەگەرا .

5 - هەر ئەندامەکێ کارگێرێ پارتێ یێ متفرع بوكارى ماف ‌هەیە هاریکارىیا هەیڤانە وەربگریت.


  

مادێ نەهێ   :

کونگرێ گشتی  :

1 - کونگرە گەورەترین دەست هەلاتە د ناڤ پارتێ دا .

2 - هەر سێ سالا جارەکێ دێ کونگرە هێتە بەستن .

3 - پالێوراوێن کونگرەی دێ هێنە هەلبژارتن و دەست نیشان کرن ژ لایێ کومیتێن پارێزگە و قەزاو ناحیا ڤە زێدەباری ئەندامێن سەرکردایەتی .

4 - کومیتێن پارگە و قەزاو ناحیا دێ نوێنەرێن خو دەست نیشان کەن و راپورتێن خوێێن رێکخستنێ و رامیاری و ئابوری دێ هنێرن شەش حەفتیا بەری گرێدانا کونگرێ .

5 - داخاز کرن بو کونگرێ تایبەت دێ هێتە کرن ژ لایێ دەستەکا سەرکرداییتی ڤە ئان ژی ژلایێ سێ جارێکێن کومیتا ناوەندی ڤە .

  مادێ دەهێ  :

دەستەیێن سەرکردە :

1 - ئەمین دارێ گشتی .

2 – کومی تا ناڤەندی پێک تێت ژ حەفت کەسا ، زێدەباری مەکتەبا سیاسی پێک تێت ژ پێنج کەسا

3 – کومی تە و مەلبەند و ئەندامێن نڤیسینگەها .

  مادێ یازدێ  :

دسپلینێن رێکخستنێ :

هەر ئەندامەکێ پێگیریێ ئان کەمتر خەمیێ بکەت د بەرامبەر ئەرکێن خو یێن پارتایەتی ێدا دی دە ئەڤ سزاو و دسپلینە بەرامبەر هێنە وەرگرتن .

‌أ -  چاڤ پێ خشین .

ب - ئاگادارکرن دەمێ نە پێگیری کرنێ ل سەر چاڤ پێ خشینێ دا .

ج - کێم کرنا پلا ئەندامەتیێ ئەگە پێ گیری نەکر ب هەر هەشت  برگێن مادێ پێنجێ .

د - راوەستاندنا پلا ئەندامەتى یا وی بو دەمەکێ دەست نیشان کری .

هـ - دێ هێتە لابرن هەر کەسێ جنحەک ئان جەریمەکێ بکەت ، وە بریار هاتبی تە دان ژ لایێ دادگەهەکا تایبەت ڤە .

کونگرێ دامەزێنەر :

1 ـ دەست نیشان کرنا وەختەکی بو بەستنا کونگرێ ئێکێ .

2 - پابەند بون ب میکانیزما کار کرنا پروژێ پەیرەوێ ناڤخو و ئارمانجێن پارتێ .

3 - هەلبژاردنا دەستەکا سەرکردایەتی ئو دەست نیشان کرنا کومیتێن پسپۆر و  مەلبەندا .

 

 تێبینی :  ئەڤ هەمی نڤیسی نە دێهێنە گەنگەشەکرن ل کونگرەی ، ئو بو کونگرەی هەیە گوهرینا تێدا ب کەت ل دەمێ پێتڤی ب زانیت پێتڤی گوهرینێ یە .

الإعلان العالمي لحقوق الإنسان

دستور اقليم كردستان باللغة الكردية

دستور اقليم كردستان باللغة العربية